Nyl Punzalan

Sa Diyos ang dalangin ko at aking sumamo
Simple’t magandang buhay isang pamilyang buo
Taon ay lumipas pagsubok at problema’y walang ubos
Minsan tuloy naiisip ko pinabayaan na ba ako ng Diyos?

Tao’y s’yang nagpaplano ngunit Diyos
ang nagpapasya
Sa puso’t isipa’y Siya ang papaghariin
Buha’y magiging payapa maayos at masaya
Basta’t tamang gawain ialay lahat sa Kanya.

Kaganapan ng buhay sa Kanya masusumpungan
Siya ang tunay na kaibigan, lubhang maaasahan
Laging nagmamahal maging sino ka man
Pag-ibig Niya’y wagas hindi mapapantayan.