Billy Vela

Kaibigan kita simula pa noong una
Laging kasama sa lahat ng lakwatsa
Hindi ko namalayan puso ko'y nahulog na
Hanggang tuluyang umibig sa'yo sinta.

Pinilit kong ikaw ay iwasan
Pinilit kong ikaw ay kalimutan
Dayain ko man tunay na nararamdaman
Ikaw pa rin laman nitong aking isipan.

Sabi nila ang ibigin ka ay mali
Ngunit sa batas ni Kupido ako ay wagi
Lahat man ng kaibigan sa atin ay humadlang
Ipaglalaban kita hanggang sa walang hanggan.

Ngayon tayo'y nahaharap sa mga paghuhusga
Ng ibang mga tao sa atin ay nakakakita
Sabihin man nila ako'y hibang sa'yo sinta
Okey lang sa akin basta't kasama kita.